話說﹐我爸媽是農民﹐平日是沒有休息日﹐但是天氣狀況有點異樣﹐要不要休息﹐一律自決。
話說﹐我不是被規章規死的打工仔﹐於是可以權宜點沾上以天氣自決休息的習氣。
於是上周風打得大﹐天文台沒掛八號波﹐我卻是有休息了兩天。
這當然不代表有甚麼好事發生﹐休息是有代價的﹐積著的東西結果還是要做﹐有起甚麼差漏﹐揹鑊的仍不會是天文台或是立法局。
近日﹐譴貴天文台罔顧市民身家性命財產的議論又再囂然而上﹐我說以上的一番話﹐難免有點風涼。
香港人的勞動模式就是賣命的﹐做生意﹐若是有計多點風險成本﹐就會怕失卻競爭力。於是﹐將風險推給燕梳行﹐還是計落有著數。
貨物是死的？不﹐交唔到貨﹐張單以後未必有得做落去﹐死的係你公司。所以話﹐唔係話貨係死物就可以用錢了事。如果可以用錢了事﹐最好的解釋﹐就是那筆錢可以買得番貨﹐或是貨期根本不吃緊。可以看出﹐這前提是市場彈性很大﹐買方話事。
人呢？人命好貴﹐若可以咁講﹐講穿左就都不過係一個價﹐解決得到。你公司對你的恩義﹐就係知道你冇命﹐會有燕梳行上身﹐而公司可以是 x 旦請過或升過第二個阿水代你個位。
如果你公司冇你就唔得﹐咁就會容許你隨便開個理由﹐保往條命仔。
倒過來說﹐如果係你冇左個老細（比如話…你就係個老細……）就唔得﹐咁你先會攞條命去搏。
家陣呢﹐天文台擺出個按章工作的態度﹐實情係因為打工作實在太弱勢﹐幫了你同時又會害了你。你老細冇左張單又係扣你人工﹐見你遲到唔到又係扣你人工﹐老細自己都保唔到﹐仲點保到你？天文台若果突然間「為民申命」﹐你估真係對你有著數？
well? 咁可以點算？又係大資本家玩晒？（他們就是有資本去避難﹐有資本去賠﹐有資本去制造 entry barrier 嘛）
得閒的話﹐耕幾年田吧。親身面對一下天地風雲﹐就會怪少一點人。你依賴個天﹐就會被個天玩殘。你依賴資本制度﹐就會被個制度玩殘。你乜就唔依賴﹐就會被自己（的缺點）玩殘。
但若果你終於唔怕殘﹐咁就冇乜可能被耍了。
放鬆一點﹐還是有位走棧的。起碼可以看清楚﹐原來天文台長的責任有限﹐你老細的責任有限﹐燕梳行也不是萬能﹐而你自己不是必需賣命﹐也不是非承認政府（或任何標準）不可的。把責任通通倒給天文台長﹐你估佢係玉皇大帝咩。
–
題外話：
你估下﹐要在主要的居住 / 交通點 setup 風速計、降雨量計的即時訊息系統﹐要花幾多錢？
你不如估下要花幾分鐘﹐就已經在天文台找到這些資料好過啦…
估到之後﹐ set 一套系統﹐去 sell 俾燕梳行﹐去計每一個勞動者﹐受天氣影響的風險﹐獨立計要幾錢﹐可以點賺？如果咁碎數的東西﹐都俾你 sell 到﹐咁你就真係做福社會啦。鬼叫家下經濟滾到咁大﹐人命竟然變了碎數耶？
