以為冇運行﹐點知搜出一大抽中大人的 blog。

查實之前都唔係唔知各人龍蟠虎據﹐實有自己地頭﹐只差在唔多了解﹐各 blog 的生產力大概去到甚麼地步。由於一個懶字﹐之前唔多肯定乜水打乜水的﹐就隨緣算了﹐人不 link 我﹐我不 link 人﹐反正冇乜時間去關照。之不過近來發覺 blog 與 blog 之間的通訊能力還不錯。只是我太忙而已﹐都沒有空閒去整好隻 aggregator ﹐仲懶得搞 bloglines 。

今朝難得又搜出一次﹐先把部份加入 blog roll ﹐而後看看會不會突然彈多些怪事出來吧。那麼多人寫 blog ﹐每天湊集十整篇野﹐都整得出個「中大閒雜校友通訊」啦。講唔定搵個茂利出錢印出來﹐分發出去﹐仲受歡迎過乜鬼「尊貴 AO 中大校友」雙月刊喎。搞下搞下﹐發下發下﹐要隊入評議會也會﹐打鬼理佢另組校友組織也好﹐根本就有很大潛力。

整理一下：

約好在這個世界一起逛 - xx 民同學﹐新 36 ( 鳴鑑 ) ﹐01年 Ocamp 大組長
人渣社區服務處 - xx汝x 同學﹐新 37 ( 臨政 ) ﹐人所共知的人渣
Daily Fongyun - xx潤 同學﹐31中大脾會 ( 希望冇數錯 ) ﹐三位一體 [ rel : site ]

仲有些 link 上 link 找到的﹐因為搞唔清楚乜水打乜水﹐暫時都是束之高閣先算。

至於有 site 唔見 blog 的﹐則加了到 recommend section

史丹利五 - 真名不清楚﹐但是以前在中大看電影﹐總會認得這個花名吧？

你話呀﹐呢個世界 d 人幾咁得閒﹐幾咁自閉？日日爆文﹐事事出聲﹐但遇上甚麼事﹐俾人打到埋身之時﹐個個都幾乎係行外島政策。我都唔多清楚﹐是這個社會﹐這個世界的規模過於大？還是新的人道精神耗走了太多能量﹐致令土地龜裂？連小小的區議會編制下﹐都有成萬計生態區。當中一成是孤島﹐六成是海床﹐就只有三成以下﹐盲蹤蹤地組成大陸氣候。

個別留言：

某三位一：若然看到這 post ﹐不妨去看看 boardgame forum ﹐介紹一下你認的 gamers’ group ？

某大組長：最近 Grace 開了 email 喎﹐36 屆的人知道了沒有？

對沒有整理﹐我唔清楚你係乜水的留言：
預言者的迷思　因為看到一個賁卦﹐先寫下來。
在地球表面漫步　嗯﹐熟口熟面的中甸？
sunfai　無喇喇視了第一篇﹐發覺重有提港獨﹐呵。

我唔理你因乜睇到呢度也好﹐方便的話﹐請 click 樓頂 About me ﹐在最底留隻字﹐咁我會知道惹到乜人來看。得閒的話﹐樓頂 Telnet BBS 一欄﹐有可能指到大家進入我管哪個 bbs 站。